Waqf Board Jume Ke Khutbon Ke Liye Banayega Core Committee

Jammu-Kashmir Waqf Board ne apne tehat aane wali dargahon, Jamia masjidon aur doosre mazhabi idaron mein Jume ke khutbon ke liye mushtarka mauzu tay karne ke liye ek Core Committee banane ka faisla kiya hai. Chairperson Dr Syed Darakhshan Andrabi ki sadarat mein Srinagar ke Sonwar mein ulema, muftiyon, imamon aur khateebon ki meeting hui. Committee khutbon ke mauzu pehle se tay karke mutaliqa ulema ko bhejegi. Inmein deeni jaankari, akhlaqi qadrain, samaji hum-ahangi aur ittehad jaise mauzu shamil honge.